🇮🇸 Sýningunni JAÐARLÖND | BORDERLANDS í Þjóðarbókhlöðu lauk nú s.l. sunnudag, 20. september. Sýningin var á dagskrá Listahátíðar í Reykjavík 2020 og við ARKIR erum þakklátar starfsfólki Landsbóksafns Íslands og Listahátíðar fyrir að styðja okkur og hvetja, því í miðjum heimsfaraldri er ekki sjálfsagt að halda listviðburði af neinu tagi. Vegna smithættu varð lítið úr hefðbundinni opnun og minna um leiðsagnir og vinnustofur. Listamannaspjall héldum við þó síðdegis nokkrar helgar og aðsókn var dreifð og góð yfir allan sýningartímann. Við þökkum gestum okkar fyrir uppörvandi umsagnir og ætlum að næstu sýningar okkar bíði betri og bjartari tíma, lausum við farsóttir.

Allar upplýsingar um sýninguna og fleiri myndir er að finna hér á síðunni:
JAÐARLÖND | BORDERLANDS.

↑ Aðstandendur sýningarinnar fögnuðu sýningarlokum.

🇬🇧 The exhibition JAÐARLÖND | BORDERLANDS in the National Library of Iceland ended last Sunday, September 20th. The exhibition was part of Reykjavík Arts Festival 2020 and ARKIR are grateful to the staff at the National Library and the Art Festival for supporting and encouraging us: holding an art event of any kind is not obvious or easy to do in the middle of a pandemic. Only few people could be invited to the opening and later festive gathering, and guided tours and artist talks were performed with care. Yet, all in all the attendance was very good throughout the exhibition time. We thank our guests for the compliments and kind reviews and hope that our next exhibition will be held at a better and brighter time, free from epidemics.

All further information about the exhibition and more photos can be found here on this page:
JAÐARLÖND | BORDERLANDS. 

Ljósmyndir | photos: Kristín Þóra Guðbjartsdóttir, Ólafur Engilbertsson.
Smellið á myndirnar til að stækka. | Click on the images to enlarge.

🇮🇸 Sýningin okkar JAÐARLÖND | BORDERLANDS á Listahátíð í Reykjavík opnaði án boðsgesta í Þjóðarbókhlöðu föstudaginn 21. ágúst 2020, en vegna heimsfaraldursins og tiheyrandi sóttvarna var ekki boðað til almennrar sýningaropnunar eins og venja er. Við ARKIR glöddumst þó yfir góðum áfanga ásamt fulltrúum frá Landsbókasafni og Listahátíð í Reykjavík. Hér neðar eru nokkrar myndir frá fyrsta sýningardeginum.

↑ Sex af sextán listamönnum sem eiga verk á sýningunni, frá vinstri: Sigurborg Stefánsdóttir, Áslaug Jónsdóttir, Kristín Þóra Guðbjartsdóttir sýningarstjóri, Svanborg Matthíasdóttir, Ingiríður Óðinsdóttir og Helga Pálína Brynjólfsdóttir.

Sýningin er á dagskrá Listahátíðar í Reykjavík 2020 og stendur til sunnudagsins 20. september. Sýninguna er að finna í sýningarrými Þjóðarbókhlöðunnar við Arngrímsgötu 3. Hún er opin á mán-fim frá 8.15-22, frá 8.15 -19 á föstudögum, 10-17 á laugardögum og 11-17 á sunnudögum. Gestir beðnir um að gæta vel að sóttvörnum og almennum nálægðartakmörkunum vegna Covid-19 heimsfaraldursins.

Þess má geta að allar helgar taka listakonur úr ARKA-hópnum á móti gestum sýningarinnar á milli kl 15.00 og 17.00.

JAÐARLÖND er samsýning sextán listamanna frá sjö löndum. Sýningin er annars vegar samsett úr nýlegum verkum sem aðeins hafa verið sýnd í Bandaríkjunum á farandsýningunni BORDERLAND og hins vegar úr nýjum og eldri bókverkum ARKA, og gesta þeirra frá Danmörku, Noregi, Litháen, Póllandi, Bretlandi og Bandaríkjunum. Sýningarstjóri er Kristín Þóra Guðbjartsdóttir. 

Um alla þátttakendur og verk þeirra á sýningunni má lesa á sérstakri síðu hér: JAÐARLÖND | BORDERLANDS. 

Í tilefni af opnun sýningarinnar ræddi Sigurlaug M. Jónasdóttir við ARKIRNAR Helgu Pálínu Brynjólfsdóttur og Svanborgu Matthíasdóttur í þættinum Segðu mér á RÚV, 26. ágúst.

Viðtal við sýningarstjórann, Kristínu Þóru Guðbjartsdóttur, birtist svo í Fréttablaðinu 1. september. Smellið hér til að lesa.

🇬🇧 The exhibition JAÐARLÖND | BORDERLANDS had a quiet and controlled opening on Friday August 21st – without the usual invitations due to covid19-restrictions. But six of the exhibiting artists, few guests and representatives from the Reykjavík Art Festival and the National Library had a happy afternoon at the National Library. 

Our exhibition JAÐARLÖND | BORDERLANDS – a part of Reykjavík Arts Festival 2020, is held at the National and University Library of Iceland – Þjóðarbókhlaðan, Arngrímsgata 3, in Reykjavík. The exhibition will stand until September 20, 2020 and is open Mondays to Thursdays from 8:15 am to 10 pm; on Fridays from 8:15 am to 7 pm; on Saturdays from 10 am to 5 pm and Sundays from 11 am to 5 pm. We kindly ask all our guests to keep in mind safety precautions and social distancing due to the Covid-19 pandemic.

The exhibition is partly made up of recent works of ARKIR that have only been shown in the United States on the touring exhibition BORDERLAND, and partly from new and older works by ARKIR and their guests from Denmark, Norway, Lithuania, Poland, UK and USA. Exhibition curator is Kristín Þóra Guðbjartsdóttir. Read about all the participants and their works on a special page here: JAÐARLÖND | BORDERLANDS. 

Ljósmyndir | photos: Áslaug Jónsdóttir, Ólafur Engilbertsson, Svanborg Matthíasdóttir.

ÞÁTTTAKENDUR | PARTICIPANTS: 

Åse Eg Jørgensen (Denmark), Imi Maufe (Norway), Kestutis Vasiliunas (Lithuania), Nancy Campbell (UK), Rebecca Goodale (USA), Bożka Rydlewska (Poland) – og ARKIR: Anna Snædís Sigmarsdóttir, Arnþrúður Ösp Karlsdóttir, Áslaug Jónsdóttir, Bryndís Bragadóttir, Helga Pálína Brynjólfsdóttir, Ingiríður Óðinsdóttir, Kristín Þóra Guðbjartsdóttir, Jóhanna Margrét Tryggvadóttir, Sigurborg Stefánsdóttir, Svanborg Matthíasdóttir.

Ljósmyndir frá opnun – smellið á myndirnar til að stækka.
Photos from the opening day – click on the images to enlarge.